Samsam midepensa sa manghud
CEBU, Philippines - Si Kongresista Gerald Anthony “Samsam†Gullas, Jr. sa unang distrito sa probinsiya midepensa sa iyang manghud nga si Talisay City councilor Eduardo “Digul†Gullas.
Si Digul ug ex-officio member nga si Raul Cabañero kinsa maoy presidente sa Association of Barangay Captain (ABC) sa Talisay gihatagan lang og tag-lima ka mga quota sa job order.
Samtang ang ubang mga konsehal gikan sa 50 ka quota gihatagan na lang og tag 20 ka mga quota.
Si Talisay City Administrator John Yre De los Reyes nagkanayon nga si Digul wala maka-monitor sa iyang mga quota samtang si Cabañero walay balaod nga nagmando nga hatagan og 50 ka quota sa JO. Matud ni Samsam nga wala siya’y nabating report nga wala ma-monitor ni Digul ang mga quota niini.
Gawas niini ang mga quota sa iyang manghud wala usab kini mga reklamo nga gipasagdan lang sila.
Kabahin sa isyu nga giingong magsige og absent ang iyang manghud sa sesyon gipasabot ni Samsam nga nagtungha pa kini sa kolehiyo karon ug usahay ang mga schedule niini ma-conflict hinungdan nga usahay dili kini makatambong sa session.
Nunot niini, gihimakak ni Samsam nga gisabutahe sa mga sakop sa Alayon ang administrasyon karon sa Talisay.
Ang maong report mitumaw dihang giingong wala dayon aprobahi sa konseho sa siyudad ang budget alang sa 2014 diin giingong nasuko niini si Mayor Johnny De los Reyes.
Mayoriya sa mga sakop sa konseho sa Talisay ubos sa Alayon nga gipangulohan ni kanhi Kongresista Eduardo Gullas nga apohan ni Samsam. (BANAT NEWS)
- Latest
