Kabataan sa Tacloban may Christmas party

CEBU, Philippines - Ang Department of Social Welfare and Development (DSWD) ug ang International Container Terminal Services Inc. Foundation (ICTSI) mipahigayon og usa ka Christmas Party alang  sa mga bata nga nanimuyo sa amihanang bahin sa syudad sa Tacloban sa miaging  adlaw.

Matud pa ni DSWD Secretary Corazon Juliano Soliman nga pinaagi sa tema nga Pasko na, Tacloban! Maglipay kita!, ang maong selebrasyon usa ka paagi pagpasabot sa mga pamilyang apektado sa miaging bagyong Yolanda nga ang selebrasyon sa Pasko kinahanglang eselebrar gayud bisan pa man sa ilang nasinatiang dakong trahedya.

“We want to give hope to the people and encourage them to move on,” kini dugang pa ni Soliman.

Nagkanayon si Soliman nga ang buhatan sa DSWD ug ICTSI nanghatag og huggable bears alang sa mga bata samtang mga  putos alang sa noche buena usab ang gihatag ngadto sa mga ginikanan.

Gibutyag ni Soliman nga sa maong  party sa mga bata, dasig gayud kaayo ang tanan ug wala nila ipaila nga subo sila tungod sa kuyaw nilang  nasinatian bahin sa labing  kusog  nga  bagyo  nga  miigo  sa ilang  lugar. (BANAT NEWS)