Mayor JVR “namolitika”, mga kontra gilisod-lisod
CEBU, Philippines - Pagpanglaslas ni Talisay City Mayor Johnny De los Reyes sa quota sa mga konsehal sa oposisyon gidudahang usa ka political vendetta. Kini human gikan sa 50 ka mga quota ni Konsehal Eduardo “Digul†Gullas III, gihimo na lang kini karon nga lima ka quota lakip ang ex-officio member nga si Raul Cabañero kinsa maoy presidente sa Association of Barangay Councils (ABC) sa siyudad.
Si Kongresista Gerald Anthony “Samsam†Gullas, Jr. sa unang distrito sa probinsiya nakapangutana kung ang gibuhat sa mayor sa Talisay political vendetta ba kini ngadto sa mga Gullas. Niadtong Biyernes sa hapon, si De los Reyes miisyu og memorandum kabahin sa paghatag niya og lima lang ka quota ngadto kang Digul ug lima usab ka quota ngadto kang Cabañero.
Nasabotan atol sa special session niadtong Biyernes nga ang 11 ka mga konsehal hatagan og 50 ka quota matag-usa ug ang mga kapitan sa 22 ka barangay hatagan og tagtulo ka quota matag usa kanila.
Dunay mga nanggawas nga report nga ang paghatag og tag 50 ka job orders nga quota sa matag konsehal, giingong maoy ‘bayad’ sa pag-aproba sa P629 milyones nga annual budget sa tuig 2014 nga gisumitir ni De los Reyes.
“I think it’s a personal vendetta on his part. He is punishing his former political opponents in the past elections. Lain man kaayo iyang pagdumala kay color coding man ug magdumot man siya,†ni Samsam pa.
Matud usab ni Samsam nga “I don’t understand why the mayor is doing that ug gikontrahan niya si Digul….Unsa man ang sala ni Digul?â€
Kabahin sa pag-aproba sa 2014 budget ug paghatag usab og 50 ka mga quota sa JO ngadto sa 11 ka mga konsehal, si Samsam miingon nga “I honestly do not understand what he is doing or trying to prove.â€
“There is an appropriation in the budget for job order to be used for our fellow Talisaynons and he chooses not to use it,†dugang pa sa batan-ong kongresista. Apan gikan sa 50 ka mga quota nga giaprobahan niadtong una giingong gilaslasan ni De los Reyes ang gidaghanon niini ngadto sa 20 na lang matag konsehal.
Apan nasurpresa si Konsehal Richard Francis Aznar sa Alayon ug majority floor leader sa konseho, dihang si Digul ug Cabañero gitugotan lang maka-hire og lima ka tawo kada usa nila sa sunod tuig.
“I think it is not fair to Digul and Raul. We will tackle this matter on the next session and I will bring this up before Vice Mayor Villarante. Dili man ni mao ang gisabutan,†ni Aznar pa.
Nakita ni Aznar nga ang mayor namolitika kini ilabi na nga giingong gipalibutan kini sa mga sakop nga dunay mga personal agenda. Si Digul apo ni kanhi kongresista Eduardo Gullas kinsa maoy founder sa Alayon Party ug maoy nakaatbang ni Delos Reyes sa milabay’ng eleksyon, samtang si Cabañero mipildi sa anak sa mayor nga si Clifford De los Reyes niadtong milabay’ng eleksiyon sa barangay.
Si Villarante sa iyang bahin, nagkanayon nga nakahibawo na lang siya kabahin sa pagpanglaslas sa mga quota human niya madawat ang memorandum sa mayor. Si Villarante misaad nga hisgutan niya ang maong isyu ini’g convene sa konsehal human sa Pasko. Si Public Information Officer (PIO) sa siyudad sa Talisay nga si Vincie Monterde nagkanayon kini nga ang mayor wala motumbok og rason kabahin sa gidaghanon sa quota sa JO nga iyang gihatag ngadto kang Digul ug Cabañero.
“I think it was his prerogative,†matud ni Monterde. (BANAT NEWS)
- Latest
