Opisina sa gobernador migasto’g himabaw sa P1 milyon

CEBU, Philippines - Mibalhin  na  sugod  kagahapon sa pag-opisina  si  Gob, Hilario Davide III ngadto  sa bag-ong nahuman  sa  pag-ayo  nga  opisina  nga gigastohan  og  dul-ang  P1 milyon  sa west wing  sa  Kapitolyo.

Kini  human  sa lima  ka  buwan  nga  pagopisina  niya  sa karaang  session hall  sa Capitol. Hinuon  bisan  kuwang  pa  og  mga  muwebles  ang  buhatan  sa gobernador,  apan  kagahapon  sa buntag didto  na  mag-opisina  ang  gobernador  sa bag-ong  nahuman  sa  pag-ayo  nga  opisina. Ang  sulod  sa maong  opisina  mao  ang lamesa  ug    bangko,  mga  cabinet ,  mga  plaque, ug chandelier.

Kadtong  karaang  mga  sofa  gipadaplin  tungod  kay  may gipaabot  ang  gobernador  nga bag-ong  sofa  nga  ibutang  sulod  sa iyang  opisina.

Mikabat  sa P738,678.83  ang  kantidad  sa pagpaayo  sa maong  buhatan  sa gobernador. Si Ethel Nadera, Public Information Officer of the Governor’s Office miingon  nga  ang  maong  budget  didto itibhang  sa budget  alang  sa  Provincial Governor’s Office.

Ang  mga  muwebles  sa maong opisina personal  nga  gipili  sa kapikas  sa gobernador.  (BANAT NEWS)