Drainage project ni Rama gikuwestiyon
CEBU, Philippines - Gikuwestiyon ni Konsehal Margarita “Margot†Osmeña ang pagpatuman og drainage project sa administrasyon ni Mayor Michael Rama sa Barangay Sawang Calero nga wala usa mangayo og pagtugot sa City Council alang sa pagpirma og kontrata sa kontraktor sa maong proyekto.
Nahibaw-an ni Konsehal Osmeña nga nahuman na diay ang P3.7 milyones nga kantidad sa drainage project nga gihimo sa Gonzalodo Enterprises apan karon pa kini mangayo og pagtugot sa City Council nga kahatagan og pagtugot ang mayor nga makapirma og kontrata.
Matud ni Osmeña nga ang tukmang buhaton unta sa mayor mao nga mangayo usa og “authority†sa City Council nga makapirma siya og kontrata uban sa pribadong kontraktor nga motrabaho sa proyekto.
Tungod sa pagkwestiyon ni Konsehal Osmeña, ang resolusyon ni Konsehal Roberto “Bob†Cabarrubias wala usa aprobahi ug gipatun-an kini sa mga sakop sa Committee on Laws.
Si Mayor Rama miingon nga mahimo ra gayud unta nga sabton sa mga konsehal nga dinalian ang mao nga proyekto nga anaa mahimutang kilid sa Ludo Complex nga gitumong aron paglikay nga maglunop ang tubig sa mao nga dapit.
Pipila ka mga konsehal miingon nga risgo kaayo sa mga pribadong kontraktor nga mosugod og mga proyekto nga wala pa’y napirmahan nga kontrata tungod kay mahimo sila nga dili mabayran sa ilang gasto ug kahago.
- Latest
