2 ka tawo napalgang patay
CEBU, Philippines - Duha ka tawo ang napalgang patay sa managlahing lugar sa dakbayan sa Sugbo kagahapon ug sa miaging adlaw
Sila mao si Elizabeth delos Reyes Bordeaux, 50, taga El Arbol , Dr. Carlsbad, California, ug usa ka ginganlan og Johnny wala ilhi ang apelyido, hamtong, may deperensya sa pangisip nga taga Maribojoc, A. Lopez, barangay Calamba, dakbayan sa Sugbo.
Ang lawas patay ni Bordeaux didto hikit-I sulod sa iyang lawak sa Marriott Hotel, sa Cebu Business Park dakbayan sa Sugbo alas 2:15 sa miaging hapon .
Si Marichu Capablanca Lato, assistant Front Office Manager sa maong hotel mitug-an sa kapolisan nga si Bordeaux mi- check-in alas 6:18 sa gabii niadtong Disyembre 11.
Niadtong Disyembre 12, ala 1:00 sa hapon may nangita nga driver kang Bordeaux kay mo-pick-up kaniya apan wala na kini mo-reply sa text ug tawag sa cell phone.
Hinungdan nga gipugos pag-abli sa ilang floor supervisor nga si Jeffrey Canono ug roving security guard nga si Jonathan Paredes ang lawak ni Bordeaux ug didto ilang nakita nga patay na kini nga nagligid sa iyang katre.
Wala sila’y nakita nga gituyo sa pagpatay og kriminal ang biktima.
Nakuha usab sa PNP SOCO team nga gipangulohan ni Police Inspector Atilano Fabella ang usa ka black shoulder bag nga aduna’y sulod nga passpot, 3,900 pesos, 12,000 Yen, duha ka credit card, duha ka passbook, nagkalainlaing I.D, laptop bag nga aduna’y usa ka apple tablet, usa ka Sonny Digicam ug duha ka eyeglasses.
Samtang si Johnny kinsa usa ka dispatser nakit-an usab nga patay na didto sa dalan J.Llorente sa Osmeña Boulevard, barangay Capitol Site dakbayan sa Sugbo kagahapon sa alas 9:50 sa buntag .
Si Maritess Ubas, 34, taga barangay Pung-ol-Sibugay, trabahante sa Anita’s Bakeshop maoy nakakita sa patay’ng lawas sa biktima
Si PO1 Michael Angelo Singson, nahinabi sa Banat News, miingon nga dugay nang gihilantan ang maong lalaki ug bisyuso usab nga pagkatawo nga posibli mao ang hinungdan sa iyang kamatayon. (Marjorie A. Caballero USJR Intern/WC)(BANAT NEWS)
- Latest
