Carandang mi-resign sa Malacañang

CEBU, Philippines - Kompirmado na nga  mi-resign  sa iyang posisyon si Secretary Ramon “Ricky” Carandang, ang pangulo sa Presidential Communications Development and Strategic Planning Office (PCDSPO).

Gipahibalo sa tigpamaba sa Malacañang nga si Edwin Lacierda nga nisumitir na si Carandang sa iyang resignation  dili pa lang dugay, butang nga nagmatuod sa nanggawas nga balita bahin niini sa milabay’ng semana.

Matud pa nga gidawat na ni Presidente Benigno Aquino III  ang resignation ni Carandang nga mapupos karong Disyembre 31 ning tuiga ang iyang pagserbisyo sa gobiyerno.

Gipasalamatan hinuon ni Aquino si Carandang sa serbisyong iyang nahatag sa nasud samtang sa samang higayon gipasalamatan usab ni Carandang ang paghatag kaniya og higayon sa pangulo nga makaserbisyo sa katawhan. (BANAT NEWS)