Taksi driver gitulis gipatay

CEBU, Philippines - Gipusil-patay ang usa ka taxi driver sulod sa iyang taxi sa wa pa mailhing  mga lalaki sa Legaspi cor. MJ Cuenco Ave., barangay San Roque dakbayan sa Sugbo pasado alas 2:00 kagahapon sa kaadlawon.

Ang gipusil naila nga si Julito Jomuad, 64, taga Sudlon, barangay Lahug siyudad sa Sugbo.

Base sa imbistigasyon sa kapolisan nga gihimo nila ni SPO1 Ruth Bongo-Violango ug PO1 Joel Zamora sa Homicide Section sa Cebu City Police Office nga naabtan na nilang naglingkod sa driver’s seat sa Ken taxi ang biktima ug may samad pinusilan sa dughan.

Si SPO1 Ruth Bongo-Violango sa Homicide nahinabi sa Banat News, miingon nga anggulo sa pagpanulis ang ilaha karong gitan-aw. Ang biktima adunay samad pinusilan sa dughan. (BANAT NEWS)