TESDA ug DOLE naghiusa pagbansay sa mga biktima sa Yolanda

CEBU, Philippines - Naghiusa ang duha  ka ahensya  sa kagamhanan  sa pagbansay  ug  pagsuhol  sa  mga  biktima  sa bagyong  Yolanda  sa  Kabisay-an.

Ang  maong  mga ahensya  mao  ang  Technical Skills Development Authority (TESDA) ug Department of Labor and Employment (DOLE)7.

Matud  pa  ni  Regional  Director  Rosanna Ordaneta  sa Technical Skills Development Authority (TESDA)7  nga ila  pang  giila  karon  ang  mga mosalmot  sa ilang  “training to employment” alang  sa  pagama  og  balay.

Midugang si  Ordaneta  nga  tulo  ka balay  ang  ilang  ipatukod  aron  papuy-an  sa labing  kabus  nga  nabiktima  sa bagyong  Yolanda.

Ang  labing  kabus  nga  molupyo  sa  usa  ka  lungsod  ilhon  sa  local  government  unit   sa amihanang  bahin  sa Sugbo, dakbayan sa Tacloban,   Ormoc ug  Guiuan, Samar. Miingon  si  Ordaneta  nga  mitanyag  sila  og  upat  ka  kurso  sa  pagbansay  nga  mao  ang   carpenter, electricity, plumbing ug masonry.

Samtang  bansayon  sila  sa TESDA,  suholan usab    sila  sa DOLE sumala  ni  Ordaneta. (BANAT NEWS)