Manatad nasublian sa pagka-ABC Pres.

CEBU, Philippines - Nasublian sa pagkapili isip presidente sa  Association of Barangay Council (ABC) sa Subangdaku, dakbayan  sa Mandaue si Barangay Kapitan Ernie Manatad.

Si  Manatad gipili  sa  27 ka barangay kapitan sa dakbayan sa Mandaue tungod  kay  wala  siya’y  kontra.

Sa samang  higayon  nasublian  usab  sa  pagka- bise presidente  sa ABC  si  Barangay Kapitan Carmelino Del Mar  sa barangay  Ibabao-Estancia.

Si Canduman Barangay Kapitan Leo Jabas maoy  auditor, Umapad Barangay Kapitan Nelson Rubio maoy tresurero ug si Alang-Alang  Barangay Kapitan Mylene Sanchez  maoy sekretarya, uban  usab  sa  walo  ka  mga  miyembro  sa board of directors nga natudlo. (BANAT NEWS)