Negosyante nangandam sa ASEAN Economic Integration

CEBU, Philippines - Gipangandaman  pag-ayo  sa  mga  negosyante  sa  Sugbo  ang  taliabot  nga  ASEAN Economic Integration (AEI) 2015, sumala pa sa  president  sa Cebu Chamber of Commerce  and  Industry (CCCI) Lito R. Maderazo.

Si  Maderazo sa iyang  pagpamulong  kagahapon  sa pagbukas  sa Cebu Business  Month 2014, didto  sa Park Lane Hotel, nagkanayon  nga usa  sa  hatagan  nila og  dako  kaayong promosyon  sa tuig  2015  ug hangtud  na  sa hangtud , mao  ang  turismo.

Gipasabot   ni  Maderazo  nga  sa AEI 2015, bukas  ang  Pilipinas  sa mga  negosyo  nga  gikan  sa   mga  nasud  nga sakop  sa Association of Southeast Asian Nations (ASEAN).

Kini  mao  ang  Malaysia, Indonesia, Brunei, Singapore, Pilipinas  nga  samang  higayon  bukas  usab  sila  sa mga  patigayon  o  produkto  nga  gikan  sa Pilipinas.

Matud pa  ni  Maderazo  nga  pinaagi  sa AEI,  daghang  mga  gagmay  nga  negosyo  sa nasud  nga  motubo  ug molambo tungod  sa abag  sa  mga  nasud  nga  sakop  sa ASEAN.

Miingon  si  Maderazo  nga  usa  sa hatagan og  gibug-aton  sa CCCI  mao  ang  pagpalambo  sa industriya  sa turismo,  eksport  ug  uban  pang  pamatigayon.

Gituohan  ni  Maderazo  nga  pinaagi  sa AEI 2015, sayon  ra kaayong  motubo  ang  ekonomiya sa Sugbo  ug sa tibuok  nasud  nga  Pilipinas. (BANAT NEWS)