ABC elections sa Mandaue ugma
CEBU, Philippines - Gikatakda karong Lunes sa buntag (Disyembre 9) himuon ang piniliay alang sa mamahimo nga Association of Barangay Council (ABC) Federation president sa 27 ka mga barangay kapitan sa dakbayan sa Mandaue. Kini pagahimoon sa dakong lugar sa Robi Land nga nahimutang sa reclamation area sa dakbayan sa Mandaue.
Si Subangdaku Barangay Kapitan Ernie Manatad nga maoy kasamtangang ABC president usa sa mikandidato, mao na kini ang ikaduha niyang termino kung siya gihapon maoy mapili sa maong posisyon
Sa nasayran nga si Kapitan Manatad nga nasublian sa iyang ikaduhang termino isip kapitan sa barangay Subangdaku.
Si Kapitan Nelson Rubio sa barangay Umapad sa maong dakbayan nga nahinabi sa Banat News miingon nga ilang napanid-an nga adunay laing grupo nga mosakbang kang Manatad.
Gibase niya kini sa pagbalibad sa pipila ka mga kapitan sa komitibang ilaha untang giandam daan ini og kahuman sa ABC elections. (/EIM)(BANAT NEWS)
- Latest
