Santiago subling milabtik ni Enrile

CEBU, Philippines - Subling mipabuhagay og mga alegasyon batok ni kanhi Senate President Juan Ponce Enrile si Senador Miriam Defensor-Santiago kagahapon atol sa  iyang counter- privilege speech sa Senado nga gi-live coverage sa mga TV stations.Maisogon nga gihagit ni Santiago si Enrile sa usa ka debate tungod kay matud pa niini nga pareho silang migradwar sa University of the Philippines.“I (Santiago) challenge you (Enrile) to a public debate, ikaw ang humarap sa akin, pareho na man tayong UP graduate,” sumala pa ni Santiago.Matud ni Santiago nga si Enrile unta ang mangunay og tubag sa mga alegasyon ug dili niini gamiton ang kanhi senador nga si Panfilo Lacson. Gihulagway ni Santiago sa iyang privilege speech ang relasyon ni Lacson ug ni Enrile nga “relationship with feelings.” Kini human matud pa sa senadora nga si Enrile ang gidudahang maoy nagtago kang Lacson dihang nalutsan kini og warrant of arrest.“Enrile provided for safe haven for Lacson,” sumala pa ni Santiago.Nangugat si Santiago nga mihingalan kang Enrile nga maoy mastermind sa P10 Billion Priority Development Assistance Fund Scam nga gikalambigitan usab sa negosyanteng si Janet Lim Napoles.

Apan si Enrile nga naminaw sa pamasangil ni Santiago igo lang naglingo-lingo ug mipahiyom sa Senadora samtang nagkubi-kubi sa iyang tablet.Gihinganlan sab ni Santiago nga padulong na nga giango-ango si Lacson human nagpatuyang kini ug pamasangil kaniya ug ginganlan  pa niya kini nga “Pinky Lacson.” Matud pa ni Santiago nga angay imbestigahon si Enrile tungod kay daghan kini og anomaliya sa panahon sa Martial law. “Let justice be done though heavens fall,” sumala pa ni Santiago. Apan sa wala pa mahuman sa iyang privilege speech, ang senadora mihangyo ni Senate President Franklin Drilon nga dili lang kini motubag sa mga pangutana sa iyang mga kauban sanglit duna siya’y chronic fatigue syndrome. (BANAT NEWS)