Na-missing gikan sa bulangan nakit-ang patay
CEBU, Philippines - Usa ka lalaking na-missing sukad pa niadtong kasaulogan sa Bonifacio Day ang napalgan nga patay sa kalibonan sa barangay Lawaan, dakbayan sa Danao alas- 9 pasado ang takna sa miaging gabii.
Ang namatay mao si Lyndon Gicain, taga Panaliwad-on sa maong dakbayan nga gituohan namatay tungod sa samad pinusilan sa iyang lawas.
Si Insp. Romeo Caacoy sa kapolisan sa maong dakbayan miingon nga niadto pang Nobiyembre 30 niining tuiga midangop ang pamilya niini nga wala na makauli gikan namuwang sa barangay Lawaan.
Alas-7 pasado sa gabii niadtong Nobiyembre 30 maoy ilang nabati ang usa ka buto sa armas.
Si Inspector Caacoy miingon nga sa crime scene ilang napalgan ang pula nga motorsiklo nga nagdala sa plate number nga 3382 FE nga maoy giluwanan sa biktima sa iyang pagpamuwang.
Matud ni Caacoy nga mohimo pa sila og dugang pakisusi alang sa pag-ila sa mga mamumuno sa biktima ug sa pagsuta sa hinungdan niini. (/EIM)(BANAT NEWS)
- Latest
