Fingerprint experts nga motabang sa Tacloban City nia sa Sugbu

CEBU, Philippines - Panagtapok sa mga fingerprint expert sa Pilipinas gipahigayon dinhi sa Sugbo sulod sa tulo ka adlaw nga gisugdan kagahapon sa ala 1:00 sa hapon sa University of Cebu.Si Camillus Laurel Allego Sr., Fingerprint Examiner II, Dactyloscopy sa National Bureau of Investigation (NBI) nga nahinabi sa Banat News  miingon nga  gipasiugdahan ang panagtigom sa Fingerprint Identification Society of the Philippines (FISPhil).“This is not only a seminar but a conference, this is the third scientific fingerprint conference, this is national in scope,” matud pa ni Allego.

Ang tumong sa maong conference mao ang pagpalambo pa sa abilidad sa nagkadaiyang forensic fingerprint enthusiasts sa nasud nga naggikan sa academe, law enforcement agencies, forensic laboratories, research and training centers ug uban pa.Matud ni Allego nga ang ilang pundok posible nga mopahigayon og Disaster Victim Identification (DVI).Sumala ni Allego nga ang fingerprint importante kaayo pag-ila sa mga nakalas ug kini ang unang proseso sa pag-ila sa mga patay nga lawas.        “Yes precisely this is one of the most important, the first process,” matud pa ni Allego.Ugmang adlawa si Allego  inubanan sa team sa Cebu ug Mindanao mangadto sa Tacloban aron motabang pag-ila sa mga nakalas sa bagyong Yolanda.“We are forming our teams from Manila, I belong to the fourth team, after this conference I will go to Tacloban together with the Cebu and Mindanao DVI team,” sumala pa ni Allego.Matud pa ni Allego nga dili lamang fingerprint ang ilang buhaton kun dili lakip na sa pag-eksamin sa ngipon ug pagkuha og DNA samples sa mga nakalas. (BANAT NEWS)