Bata patay, mama angol sa pagdasmag sa multicab

CEBU, Philippines - Patay ang usa pa ka tuig nga batang lalaki ug angol ang iyang inahan human mibangga kanila ang usa ka multicab sa sitio Dapdap sa barangay Poblacion III sa dakbayan sa Carcar sa alas 7:55 kaganihang buntag.

Ang angol naila nga si Noviefe Demegillo Sestoso, 26, molupyo sa sitio Dapdap sa barangay Poblacion III, sa dakbayan sa Carcar, apan patay na ang anak niini dihang nadala sa Carcar Provincial Hospital.

Gitanggong karon sa karsel ang suspek nga si Aldaya Daclan, 18, molupyo sa sitio Dapdap sa barangay Poblacion III, sa dakbayan sa Carcar.

Sumala pa nga naglakaw ang duha sa dalan dihang nadasmagan sa suspek nga padung mo-parking sa multicab. (BANAT NEWS)