Car artist nasakpan nangabli og awto

CEBU, Philippines - Usa ka car artist ang nadakpan sa akto nga paglungkab sa usa ka sakyanan sa parking area sa usa ka dakong mall sa barangay Mabolo sa dakbayan sa Sugbo sa alas 6:20 sa miaging gabii.

Ang nadakpan mao si Reynaldo Ruiz alias Kano, 42, taga English V. Rama Avenue sa barangay Guadalupe sa dakbayan sa Sugbo.

Samtang ang biktima naila nga si John Mendoza, 32, manager, molupyo sa sitio Kalubihan sa barangay Talamban sa dakbayan sa Sugbo.

Nasakpan sa akto sa mga gwardiya nga si Arnold Garcia ang suspetsado  nagbitbit na sa usa ka bag nga may sulod nga laptop, charger, mouse ug mga papeles nga gikan sa sakyanan ni Mendoza. Ang suspek gi-turnover na ngadto sa Theft and Robbery Section alang sa pagpasaka og kaso. (BANAT NEWS)