DTI Diskwento Caravan himuon sa Northern Cebu

CEBU, Philippines - Onse ka mga negosyante ang mokuyog sa ipahigayong Department of Trade and Industry-Cebu Province "Diskwento  Caravan" sugod ugma hangtud Sabado adto sa Sports Complex sa Daan Bantayan, Cebu.

Sumala pa ni Zaide Bati-on, chief  sa consumer welfare sa   DTI-Cebu Province nga ang maong caravan nagtinguha sa pagdala sa mga basic commodities nga mas ubos ang presyo alang sa mga biktima sa bagyong Yolanda.

Ang mga baligya nga ilang dad-on naglakip sa laundry soap, bath soap, shampoo, hotdog, kitchen wares, tissue, bisquits, construction materials, gatas, kape ug uban pa.

Ang mga distributors nga  manguyog sa maong caravan naglakip sa Atifacts Innovation in Motion, Unitop, Virginia Foods, Ever Consumer,  Ever Dynamics, Everlink, Federal North Hardware, P and G, Liwayway Marketing, Dranix Distributors  ug  Vmat.

Mokuyog usab ang National Food Authority-7 aron mobaligya og  bugas. Gisugdan sa miaging semana sa DTI ang Diskwento Caravan sa unom ka siyudad sama sa Samar ug Leyte. (BANAT NEWS)