Bohol elections malinawon
CEBU, Philippines - Malinawon ang piniliay sa barangay sa lalawigan sa Bohol matud pa sa Regional Director sa Police Regional Office 7 Chief Superintendent Danilo Constantino.
Matud ni Constantino nga mibisita sa Bohol mismo ang duha ka Commissioner sa Commission on Elections (Comelec) nga sila si Commissioner Elias Yusoph ug si Commissioner Lucenito N. Tagle aron sa pag-monitor sa piniliay sa Bohol.
Sumala pa ni Constantino nga wala makasugat og problema ang pagpahigayon sa piniliay sa Bohol ug maayo ang feedback sa mga tawo niya nga tua sa Bohol.
“Wala tayong problema…peaceful ‘yong conduct natin ng barangay elections,†sumala pa ni Constantino.
Wala usab makadawat og reklamo ang iyang buhatan sa mga supporters o sa mga kandidato mismo nga milansar sa piniliay sa lalawigan sa Bohol.
Apan matud ni Constantino nga nakuhaan og 300 ka mga polis ang contingent sa PRO7 tungod kay nagka-aberya ang contingent nga gikan sa Negros. (BANAT NEWS)
- Latest
