Earth Jam alang sa kalikopan gidagsa
CEBU, Philippines - Nagkadaiyang mga banda ang misalmot sa Earth Day Jam kagahapong adlawa aron sa pag-awhag sa katawhan kabahin sa mga issues ug concerns sa kalikupan.
Matud pa sa singer/rakista ug presidente sa Earth Day Jam Foundation nga si Lou Bonnivie sa gipahigayon nga press conference kagahapong adlawa nga ang pag-atiman sa kalikupan dili lang responsibilidad sa gobyerno kun dili responsibilidad usab sa katawhan. Dugang pa ni Bonnivie nga bisan pa man sa 13 na nila ka tuig pagpahigayon og mga environmental concerts, kulang pa gihapon kini aron mahigmata gyud ang katawhan kung unsa ka importante ang pag-amping sa kinaiyahan.
Ang Department of Environment and Natural Resources-7 nakig-partner sa maong foundation inubanan sa ubang stakeholders lakip na ang The Freeman Newspaper.
Matud pa ni Isabelo Montejo, ang DENR-7 regional executive director nga ilang gi-suportahan ang maong kalihukan nga makahimo og environmental awareness pinaagi sa musika aron sa paghugpong sa katawhan nga manginlabot na sa kampanya sa pagsalbar sa atong planeta.
“After all, the call for environmental conservation, preservation and of course protection has been and will always be the leading priority of the DENR," matud pa ni Montejo.
Ang maong programa, gilangkuban kini og ethnic, reggae ug alternative artists sama nila Bambu Spliff, Dance With Me Kris, Kaliftra ug Rivermaya, Nina, Lou and her band, Noel Cabangon ug Karel Marquez.
“Environmental advocacies and campaigns like this one will always be a welcome opportunity for the DENR to convey a very important message to the people on what can we do to protect our environment, in order to protect ourselves as well,†dungag pa ni Montejo. (BANAT NEWS)
- Latest
