TESDA nangita pa og dugang volunteers
CEBU, Philippines - Dugang pang mga volunteers ang gikinahanglan alang mo-repack sa mga relief goods nga anaa nahimutang sa Cebu International Convention Center sa Mandaue City, ang labing dakung relief operation center sa Visayas.
Matud pa ni Joel Villanueva, ang director-general sa Technical, Education and Skills Development Authority, kinsa maoy nagdumala sa maong relief center nga dako iyang pasalamat sa mga Sugbuanon sa walay undang nga pagtabang sa pag-repack sa mga relief goods.
"I am overwhelmed by the support of the Cebuanos in our relief campaign efforts. Gusto ko na yatang maging Cebuano ngayon," matud pa ni Villanueva sa gipahigayon nga press conference kagahapon didto sa CICC.
Matud pa ni Villanueva nga sukad Nobiyembre 14 hangtud kagahapon sa udto, aduna nay 19,462 volunteers nga nag repack sulod sa unom ka shift. Miabot pa og 220,705 food packs ang naputos sa samang petsa ug 175,655 food packs na ang nahatud ug 45,050 food packs ang i-deliver pa sa Samar ug Leyte.
Ang maong mga volunteers kausa ra ni volunteer samtang aduna usab uban nga nagbalik-balik.
"We still need more volunteers because we need to repack 40,000 to 50,000 food packs a day para mas mabilis nating mabigyan yung mga typhoon victims," matud pa ni Villanueva.
Sa pagkakaron, maka repack ang maong relief center og 25,000 ngadto sa 30,000 food packs.
Matud pa ni Villanueva nga sa pagkakaron wala pa siya kahibalo kung hangtud kanus-a mahuman ang pagpanghatag sa mga relief goods. (BANAT NEWS)
- Latest
