Comelec andam na sa eleksyon sa Bohol
CEBU, Philippines - Andam na ang Commisison on Election kon COMELEC sa pagpahigayon og special election didto sa lalawigan sa Bohol karong adlaw nga Lunes, Nobiyembre 25 ning tuiga. Ang luyoluyo sa Regional Director sa COMELEC nga si Atty. Veronico Petalcorin miingon nga naandam na ang ilang mga lawak saringan sa mga kalungsuran sa Bohol.
Lakip sa ilang giandam mao ang daghang mga tents nga maoy gihimong temporaryong voting precinct tungod kay daghan man ang mga lawak nga naguba tungod sa pag-igo sa 7.2 magnitude nga linog niadtong Oktubre 15, 2013.
Gipahibawo niini nga ang labing daghang mga lawak saringan nga naguba sa linog ug dili gyud magamit atol sa special election mao ang lungsod sa Loon, Antinquera, Tubigon ug Maribojoc.
Ipatuman na usab sa Comelec ang liquor ban sugod karong adlawa nga nagtinguha sa pagsiguro nga malinawon ug hapsay ang barangay election sa maong lugar.
Dugang pa niini nga bisan og wala malakip sa mga barangay nga ubos sa election watch list sa COMELEC ug kapolisan ang lalawigan sa Bohol, nanginahanglan gihapon sila og dugang kapolisan ug militar nga mobantay sa barangay election.
Gani moabut karong adlawa ang dugang mga PNP augmentation force gikan sa PNP Central Visayas ngadto sa Bohol alang sa maong lakang.(/EIM)(BANAT NEWS)
- Latest
