P17 milyones nga Italian donation niabot na
CEBU, Philippines - Niabot na sa Cebu kagahapong adlawa ang ikatulong hugna sa mga relief goods nga gi-donar sa Italian government alang sa mga biktima ni bagyong Yolanda.
Matud pa sa Philippine Information Agency-7, nga nagkantidad kini P17 milyones nga gilangkuban og tents, tarpaulins, hygiene kits, kitchen tools, medisina ug uban pa.
Si Alfonso Tagliaferri, first secretary ug deputy head of mission of the Italian Embassy nagkanayon nga ni suma total na og P116 milyones ang ilang nadonar sa pagkakaron.
Ang Italy magpadala usab og “technical plane†aron sa pagtabang sa paghatud sa mga relief goods sa mga lugar nga naigo sa bagyo.
Sa laing bahin, ang Italian postal system gi-waived na nila ang commissions sa mga remittances gikan sa mga Filipino sa ilang lugar nga mopadala og kwarta sa ilang mga kabanay sa Pilipinas hangtud Enero sunod tuig.
Matud pa ni Tagliaferri, adunay 180,000 ka mga Filipino nga nagtrabaho sa Italy nga mao usab ang kinadak-ang Filipino community sa continental Europe. (BANAT NEWS)
- Latest
