Mga Hudiyo mibayad sa‘utang kabubut-on’ sa Phl

CEBU, Philippines -

Matud pa nila, dako kaayo ang ilang utang sa Pilipinas sa pagluwas niini sa gatosan ka mga Hudiyo pito ka dekada na ang nakalabay atol sa World War II.

"A Philippine president, a globetrotting Jewish family named Frieder and the American Jewish Joint Distribution Committee, my organization, helped save the lives of more than 1,000 Jews who otherwise would have almost certainly died in the Holocaust," matud pang Alan H. Gill, Chief Executive Officer sa American Jewish Joint Distribution Committee nga iyang gisuwat sa kolum niini nga gititulohan og "In its time of need, repaying a debt to the Philippines," nga gipublikar sa JTA, nga usa ka news source alang sa mga Hudiyo sa tibuok kalibotan.

Matud pa ni Gill, gitabangan ni kanhi Presidente Manuel Quezon ang mga Hudiyo pinaagi sa pag-isyu og travel certificates kanila aron makatrabaho sa Frieders’ cigar factories, bisan nasayod kini nga wala’y alamag sa maong industriya ang mga Hudiyo.

Si Quezon namahayag kaniadto nga ang pagtabang sa Pilipinas mabalik ra kini sa umaabot nga panahon: “The people of the Philippines will have in the future every reason to be glad that when the time of need came, their country was willing to extend a welcome hand,” sumala pang Gill nga mikutlo sa pamahayag ni Quezon.

Karon, ang mga Hudiyo miabag sa Pilipinas tungod niining bagyong Yolanda. Gawas sa maong organisasyon, mipadala usab ang Israel sa ilang medical teams, mga relief goods ug uban pa pagtabang sa mga biktima sa bagyo.(Gikan sa Wires/EIM)(BANAT NEWS)