Publiko gihangyo nga di mopakatap og sayop nga impormasyon sa text
CEBU, Philippines - Mihangyo ang Regional Director sa Police Regional Office 7 Chief Supt. Danilo Constantino sa katawhan nga dili magpatuyang og pakatap og mga “text scares†aron moabot ang mga relief goods sa mga lugar nga naapektahan sa bagyo.
Matud ni Constantino nga kung mahadlok ang mga tawo nga mohatag sa mga relief goods mas mosamot ang problema sa kagutom sa mga lugar nga grabing naapektahan sa bagyo.
“Imbes na matulongan sila, ito’y nakakadagdag lalo ng gulo dahil takot nang pumunta du’n ang may dala ng relief goods,†matud pa ni Constantino sa press conference.
Gawas sa text scares, nanggawas usab kini sa mga social networking sites ug daling mikatap.
Matud ni Constantino nga ang sayop ug iresponsableng gipakatap nga impormasyon sa miaging adlaw nakamugna og kasamok ug kahasol sa mga residente sa dakbayan sa Tacloban ug sa silingan nga lungsod.
Mipasalig si Constantino nga mohatag og security escort ang PRO7 sa mga gustong mohatag og relief goods apan miingon siya nga ipaagi lang og pipila ka hugna.
Gisusi sab sa kapolisan ang taho nga gipangkawat ang mga transformers sa mga linya sa kuryente sa mga lugar nga naapektahan matud pa ni Supt. Pablo Labra sa Regional Intelligence Division.
Karong gipangawat na ang mga transformers ug mga linya sa kuryente mas madugay pang mabalik ang kuryente sa maong mga dapit tungod kay lisod ang pag-ilis niini gikan sa mga suppliers.
Gipadala na sab ang dugang mga sakop sa Regional Public Safety Battalion 7 sa Mactan Benito Ebuen Air Base aron sa paghakot sa mga relief goods. (BANAT NEWS)
- Latest
