Sinkhole sa Ronda imbestigahon sa MGB-7
CEBU, Philippines - Imbestigahon sa Mines and Geosciences Bureau-7 ang gikatahong "sinkhole" sa Barangay Palanas, munisipyo sa Ronda, Cebu.
Giawhag sa Department of Environment and Natural Resources-7 diin sakop ang MGB-7, pinaagi sa ilang tigpamaba nga si Eddie Llamedo, ang lokal nga gobyerno sa Ronda samtang wala pa ang mga geologists, sa pag-monitor sa maong sinkhole kung kini nagkadaku ba.
Matud pa ni Llamedo, angay nga butangan kini sa LGU ang lugar diin nakit-an ang sinkhole og advisory o signage kay kini kuyaw sa katawhan o panimalay nga anaa duol sa sinkhole.
Ang maong lugar diin adunay sinkhole butangan usab og cordon kay basin unya mo collapse ang cave roof.
"The cave roof may have collapsed after a strong typhoon Yolanda that brought more rains, saturating the soil," matud pa ni Llamedo.
Dungag pa ni Llamedo nga kumon ang sinkholes diin ang mga bato ilalom sa yuta kay limestone, carbonate rock, salt beds, o bato nga mahilis sa nag-circulate nga ground water. (/EIM)(BANAT NEWS)
- Latest
