Andam ang DSWD7 modawat og text
CEBU, Philippines - Ang Department of Social Welfare and Development sa Central Visayas DSWD 7 mipaaktibo sa Emergency hotline niini nga (032) 232-9507 alang sa mga pangutana ug updates kalabot sa pagpanghatag og mga relief goods ngadto sa biktima sa bagyong Yolanda.
Matud pa ni Semeon Remata III nga ang DSWD Text Hotlines aktibo usab ug andam nga modawat og updates, mga taho mahitungod sa panginahanglan og assistance ug uban pang feedback sa nagpadayong relief operations niini ngadto sa mga biktima sa super typhoon. Dugang pa ni Remata nga ang matag usa mahimong mopadala og taho o ba kaha reklamo o mo-request sa IREPORT <space> pangalan o lokasyon o mensahe ug ipadala sa 2327 o 09178902327 alang sa mga tiggamitan og Globe ug Touch Mobile samtang alang sa tiggamitan og Smart ug Talk n' Text, mo-type lang sila og IREPORT <space> pangalan o lokasyon o mensahe ug ipadala sa 09189122813.
Gibutyag ni Remata nga ang publiko mahimong mobisita ug mokuha og impormasyon pinaagi sa websites nga www.dswd.gov.ph o www.fo7.dswd.gov.ph. (BANAT NEWS)
- Latest
