Mga korte sa Cebu way court hearings
CEBU, Philippines - Tungod sa bagyong Yolanda, suspendido ang mga transaction sa korte karun both Municipal Trial Court in Cities (MTCC) ug Regional Trial Court (RTC) in Cebu City.
Niadtong Miyerkules, si MTCC executive judge Francisco Seville nipagawas og memorandum nga walay trabaho ang mga empleyado sa MTCC sa adlaw nga Biyernes ug half day lamang sa Huwebes (kagahapon).
Sa RTC, si executive judge Soliver Peras nagkanayon nga half-day sila sa Huwebes ug walay trabaho sa adlaw’ng Biyernes.
Ang Prosecutor’s Office pud both Cebu City and Cebu Province walay trabaho karon og half-day kagahapon.
Kagahapon sa alas 11:00 sa buntag naghinay-hinay na og panghipos ang mga empleyado sa ilang mga butang.
Kahinumduman nga nag-opisina na lang sila gawas sa Marcelo Fernan Hall of Justice human ang maong building nadaut tungod sa linog niadtong Oktubre 15, 2013 nga miigo sa dakbayan sa Cebu ug Bohol.
Ang mga empleyado sa korte nagbutang lang og tent para sa ilang temporaryong opisina samtang ang Supreme Court nangita pa og lugar para sa ilang kabalhinan.
Pero matud ni Supreme Court Administrator Jose Midas Marquez, nga ilang paninguhaon karun semanaha nga ma-finalize na nila ang kabalhinan sa empleyado aron makabalhin na. (BANAT NEWS)
- Latest
