Mga barko gidid-an na sa paglawig sa PCG

CEBU, Philippines - Wala na tugoti sa Philippine Coast Guard nga mobiyahe pa ang tanang mga barko nga gikan sa Cebu gikan sa alas-6 sa buntag kagahapong adlawa.

Mao kini ang pamahayag ni PCG Central Visayas commander William Melad human mipaubos sa signal number two ang Cebu ug ang uban dapit sa rehiyon nga giluwatan sa Philippine Atmospheric Geophysical and Astronomical Services Administration.

Nagkanayon si Melad nga adunay mga barko nga gikan sa nagkalain laing dapit sa Central Visayas nanago ug gipanghiktan na sa pier sa Cebu City.

Kapin usa ka gatos nga mga empleyado sa Department of Social Welfare and Development-VII nga mopadulong unta sa Bohol aron sa paghimo og relief operations, natanggong usab sa dihang wala na tuguti ang barko nga molarga nga ilaha untang sakyan.

Kagahapon pa lang, wala na say mga gagmay’ng pasaheroan sama sa mga pumpboats gikan sa Cebu padung sa Bohol ug ubang mga silingang isla ang gidid-an na nga makalawig.

Ang mga molupyo sa mga coastal barangays sa Cebu midahik na usab sa ilang mga bangka ug pumpboats ngadto sa mala ug gigaid sa mga punoan sa kahoy ug mga haligi sa ilang mga balay.  (BANAT NEWS)