Lungkab P200 mil nasakiyo

CEBU, Philippines - Mikapin  sa  P200,000 nga kantidad sa kwarta ug kabtangan   nga  nawala sa magtiayon human lungkaba sa wala  hiilhing  kawatan ang ilang  balay samtang  nanagkot  sila sa menteryo sa  Barangay Taytayan, Bogo City, Biyernes sa gabii.

Ang   mga  biktima  mao  ang magtiayong Concordio  Ancajas ug Marilyn , pulos  49  ang  edad nga  nagpuyo  sa maong  dapit.

Nasayran  nga mibiya sa ilang   balay  ang  biktima sa   alas 9:45 sa gabii ug gibana-bana nga nahitabo ang   kawat   sa  alas 10:00  sa maong  kagabhion.

Nadala  sa kawatan  mao  ang P16,000 cash, $200 (P8,000), gold bracelet P150,000, digital camera P4,000, duha ka pares sa gold earrings P7,000 ug video camera P25,000.

Si PO1 Alexander Ancao Jr., assistant investigator sa Bogo City Police Station, mibutyag nga ang mga kawatan nakasulod sa balay pinaagi sa pagguba sa screen ug pagkuha sa tulo ka mga blade  sa jalousie  sa bintana sa luyo nga bahin sa balay.

Si  SPO1  Ancao nagduda nga posibleng bata ang misulod sa balay base sa gidak-on sa agianan sa bintana.

Ang kapolisan padayon pa sa pag-imbestigar sa maong insidente   ug sa pag-ila sa mga kawatan.  (BANAT NEWS)