2 gipusil ug giluba kritikal

CEBU, Philippines - Ang   mga  biktima  mao  sila  si Jerry Bayer Apa, 33,  sa Fuentes st. Brgy. Pajac dakbayan sa Lapulapu  ug Minidilo  Soronio Fuentes, 42 sa mao  gihapong  lugar.

Nailhan  ang  mipusil kang Apa  nga  si  Jason Canete Coro, 30, ulitawo ug lumad sa Marteres, dakbayan sa Sugbo.

Base sa pasiunang imbestigasyon nila ni SPO1 Manolito Abellanosa ug PO2 John Carlo Jocutan nasayran nga nagduwa og hantak si Apa  dihang  pag-abot ni Coro  gipusil  kini.

Si Apa nga naigo sa iyang ilong ug likod  nakadagan  pa ug nagpahatud og  habal-habal  ngadto sa  Lapulapu City Hospital apan gibalhin  ngadto  sa Vicente Sotto Memorial Medical Center (VSMMC) sa dakbayan  sa Sugbo.

 Samtang sa  alas 11:25 sa maong  gabii gidunggab  usab  si Fuentes,  sa usa ka nailhan  sa angga  nga "Munit" , hingkod ug residente sa Pajac.

 Sa imbestigasyon sa kapolisan nasuta nga si Fuentes ug Munit  sa sayo pa, nag-inom ug sa dihang nangahubog na mitumaw ang panaglalis sa  duha.

 Gumikan  kay  may daan  na  silang  dumot, wala makabantay si Fuentes   dihang  gikalitan  og  luba  ang  iyang  tiyan   sa  suspek.

Dali  nga  gihatud  ngadto  sa  Lapulapu City hospital apan  gihatud  gihapon  ngadto  sa VSMMC. Padayon  pa  nga  gipangita  sa kapolisan  ang  duha  ka  mga  kriminal. (BANAT NEWS)