Hubog giluba patay sa kontra

CEBU, Philippines - Lalaki nga hubog gidunggab patay atubangan mismo sa iyang panimalay sa usa ka lalaki nga nagdumot kaniya sa barangay Lusaran sa dakbayan sa Sugbo sa alas 3:00 sa kadlawon kagahapong adlawa.

Ang biktima naila nga si Edgar Canatan, 38, molupyo sa barangay Lusaran sa dakbayan sa Sugbo samtang ang suspetsado naila nga si Jason Alper, 21, laborer, lumad nga taga Sipalay Negros Oriental ug kasamtangang nagpuyo sa barangay Lusaran.

Basi sa report sa Homicide Section sa Cebu City Police Office nga ang kapuyo sa biktima nga si Alma Constantino miingon nga hubog ang iyang bana dihang gidunggab sa suspetsado.

Matud pa nga ang biktima nagbarog atubangan sa iyang balay dihang milabay ang suspetsado ug gidiretso kini og dunggab gamit ang 13-pulgadas nga kutsilyo.

Naigo ang biktima sa walang bahin sa lawas hinungdan nga natumba kini sa yuta ug daling gidala   sa Cebu City Medical Center apan gideklarar na kini nga dead on arrival.

Daling misibat ang suspetsado apan nasikop ra pud kini  ni PO1  Junry Tagalog ug sa mga  barangay Tanod sa barangay Lusaran.

Narekober gikan sa biktima ang kutsilyo nga gigamit niini sa pagdunggab sa biktima. Giingong dugay nang may pagdumot ang suspek sa biktima sa wala pa masayring hinungdan. (/EIM) (BANAT NEWS)