Hepe sa Naga ‘missing’
CEBU, Philippines - Patubagon sa Provincial Director sa Cebu City Police Office Sr. Supt. Noel Gillamac ang hepe sa Naga Police Station Supt. Edwardo Saavedra tungod kay wala kini sa iyang estasyon dihang nihimo og inspeksyon ang Regional Director sa Police Regional Office 7 nga si Chief Supt. Danilo Constantino.
Matud pa sa report sa TV Patrol Central Visayas kagahapon nga dihang milibot si Constantino sa lalawigan sa Sugbo ang grabeng kahuot sa trapiko ang nasugatan niya sa Minglanilla.
Misamot ang iyang kasagmuyo kay sa pag-abot niya sa dakbayan sa Naga “missing†ang hepe sa kapolisan sa maong lungsod.
Matud pa ni Sr. Supt. Noel Gillamac nga nananghid si Supt. Edwardo Saavedra kaniya tungod kay naa kini hearing sa Albay. Apan sumala pa ni Gillamac nga sa obserbasyon ni Constantino kinahanglan gyud unta nga anaa si Saavedra sa iyang pwesto tungod kay dako nga kalihokan ang kalag-kalag.
“In fact nananghid si Supt. Saavedra kay naa siyay hearing sa Albay. But observation ni RD nga he’s supposed to be here because this is a major activity. Ako siyang pa-eksplinon,†matud ni Gillamac.
Apan sumala pa ni Gillamac nga nahuman na man unta ang hearing sa wala pa ang kalag-kalag apan wala gihapon mobalik dinhi si Saavedra nga mahimo ra man unta niya bisan pagsakay og eroplano pabalik sa Cebu.
Tungod sa nahitabo wa mahimuot si Constantino nga wala didto ang hepe sa Naga City Police Office kay wala kini modumala sa security plan sa siyudad.
Diha pa nagkarakara ang mga polis pag-man sa trapiko dihang si Constantino na maoy mimando nga kinahanglang masulbad ang problema sa trapiko diha sa duol sa public cemetery diha sa Naga City. (BANAT NEWS)
- Latest
