Polis nga misulti nga pakyas ang election sa Catmon giimbistigar

CEBU, Philippines - Mag-atubang sa pre- charge evaluation ang usa ka polis sa lungsod sa Catmon human kini mosulti  nga  pakyas  ang  election sa maong  lungsod.

Ang maong polis  naila nga si PO1 Maricel Marquez nga nadestino sa Catmon Police Station.

Ang Regional Director sa Police Regional Office 7, nga  si  Chief Supt. Danilo Constantino nga nahinabi sa mga tigbalita  nagkanayon  nga gikompirmar ni Cebu Provincial Police Office Director Sr. Supt. Noel Gillamac   ang pamahayag sa maong polis  ngadto sa usa ka media outlet. Miingon si Constantino nga dili angay nga ibutyag  sa polis  nga  pakyas  ang eleksyon tungod  kay nahinayon man ang maong  piniliay.

Tungod  niini iya   na  nga gimandoan ang Provincial Director nga ipatawag ang  maong  polis  aron  tambagan   nga dili  mohimo  og  pasiunang conclusion bahin sa election.

Miingon si Constantino sa mga tigbalita nga ang Comelec lamang ang may katungod sa pagdeklarar nga   failure   ang  usa ka  election. (/WC) (BANAT NEWS)