Pampagana sa seks

CEBU, Philippines - Sa pakigseks, ang lalaki maoy mopagana sa iyang paris. Apan kun way gana ang lalake, maugtas lang nga way nahimo ug ang babaye magkonsumisyon pod kay sigi lag paabot nga moarangkada.  Maglisud gyud kay di na kahimo ang nagluya niyang pagkalalake. Sagad kini sa mga may edad na, ilabi na tong sa batan-on pa, way palabyon nga higayon, hilabihan ka abusado sa pakig seks.

Angay unta nga mabatonan ang kahimsog sa pakigseks, nga maghimo og skedyul nga sa usa ka semana, katulo lang magseks nga kun magpaboto man kausa o kaduha lang. Kay ang prostate mo maugtas nga wa nay duga ikabomba nga igawas ang mga bihod mo, nga nakapagana sa seks mo.

Ang uban nagsalig lang anang sentetik nga pampagana sama anang Viagra, Ecstasy ug uban pa. Timan-i nga ang kanunay paggamit sa artipisyal o formulated o sentetik nga pampagana sa sex, may sayd epek ka na nga maadik o mosamot ang kadaut sa imong aktibidad sa pakigseks ug ubang organ mo, nga magkalisud, magkadugay maguba ang kahinam sa seks nga maoy mabati ang kahapdos nga di masabot. Nga bisan sa isip lang wa nay gahum nga moepekto pa ang kalami sa uwag.

      Kung di gyud kalikay ang mogamit, naay daghang mga natural nga pagkaong makapagana sama sa bakasi, silik sa iho o pawikan, organ ug itlog sa baka. Naa say kinaham sa restoran nga soup #5. Ayaw lang kadtong gikagubtang gikan sa tsina nga soup, kay matud pa sa DOH makadaut ug gi-ban na kini. Naa say lansiao nga kun mahalon mas epektibo, kay sagad sinagulan menus nas epekto.

Sa ubang nasud, sikat kaayo sa United Kingdom ang “Cock and Bull Pie” nga produkto sa sikat nga luxury pie maker nga si Charlie Bigham. Inilog kining pampagana o aphrodisiac sa seks. Hinimo kini gikan sa itlog o lagay sa toro. Nga panahon sa Valentines, dili sila makaato sa mga order sa manag-uyab ug sa managtiayon, nga gusto nianang makatagbaw nga kombate sa pakig seks.

Apan ayaw lag kalimot nga ang tanang butang nga abuso na o nanubra na ang lawas sa kauwag sa seks, aw nasayud na kita nga kini dili makaayo sa panglawas nato. Mangluspad nga morag way umoy permi mapalid nga natupsan sa sustansyang gikinahanglan sa kahimsog. Busa ibalanse ang tanang buhaton nga di maperdisyon o masakripisyo ang seks nga usa sa makalipay sa kinabuhi. (BANAT NEWS)