Talisay wa maalakanse og minilyon –Mabunay
CEBU, Philippines - Si Talisay City Budget Officer Edgardo Mabunay mihimakak sa report nga ang kagamhanan sa siyudad alakanse og P39 milyones.
Giingon ni Mabunay nga nabantayan kini dihang mipuli ang bag-ong administrasyon niadtong buwan sa Hulyo niining tuiga. “Di ta allowed ma-deficit, violation na sa Local Government Codeâ€, ni Mabunay pa.
Si Mabunay mipasabot nga ang siyudad posibleng nahutdan og cash atol sa paglingkod ni Mayor Johnny De los Reyes sa puwesto isip mayor sa siyudad .
Apan wala kini magpasabot nga deficit o alkanse ang kagamhanan sa Talisay.
Midugang si Mabunay nga “wa pa man mag-closing so di ta kasulti nga deficit na, pero dili man gyud allowed ma-deficit ang LGUâ€, pasabot usab ni Mabunay.
Gibutyag sa maong budget officer nga ang Talisay adunay P300 milyones nga Internal Revenue Allotment (IRA) ug laing P147 milyones nga abot niini matag tuig.
Matud ni Mabunay nga ang maong gidak-on sa pundo dili kini madali-dali og kahurot sulod sa duha ka quarter.
Ang siyudad giingong kanunay nga may surplus fund matag tapos sa tuig.
“We always have a surplus because we can’t spend beyond what is approved by the councilâ€, dugang pa sa city budget officer. (Brenda D. Batuto ug Liv G. Campo sa The Freeman/WC)
PNOY mipasalig taga Bohol di pasagdan
Gipasaligan ni Presidente Benigno ‘Noynoy’ Aquino III ang mga Bol-anon nga ang gobyerno adunay igong pundo alang sa relief operations sa mga biktima sa magnitude 7.2 nga linog nga miigo sa Bohol niadtong Oktubre 15.
Ang Philippine Information Agency (PIA)7-Bohol mibutyag kagahapon nga si Presidente Aquino nanguna sa pagpanghatag og relief goods sa 800 ka pamilyang kasamtangang nagpuyo sa mga tolda atubangan sa nagubang munisipyo sa lungsod sa Sagbayan, niadtong Huwebes sa buntag.
Sumala sa PIA nga gibutyag sa Presidente nga nahatagan na sa nasudnon ug lokal nga kagamhanan og 163,000 ka food packs ang 60,000 ka pamilyang apektado sa maong linog. Midugang siya nga ang lokal nga kagamhanan sa Sagbayan nakahimo na sa ika-limang higayon sa pagpang-apud-apod og tabang sa mga biktima.
Ang Department of Social Welfare and Development (DSWD) nakahatag na usab sa ika-tulong higayon og mga food packs sulod sa duha hangtud sa tulo ka adlaw.
Kini gawas pa sa tabang nga gihatag sa mga nagkalain-laing pribadong hugpong sama sa World Food Programme, Shelter Box, Red Cross ug uban pang foundations.
Dugang pa sa Presidente, daghang mga sector nga pribado nga dili man matawag nga NGOs ang mitabang usab sa pagpanunol og mga donasyon nga pagkaon.
Mihangyo ang Presidente sa mga relief organization ug sa mga lokal nga kagamhanan nga magtambayayong gayud aron makaabot sa mga nanginahanglan ang tabang.
Giingong gipaningkamotan sa goberno nga matarong ang mga nagubang mga inprastraktura apan madugay-dugay pa gayud kini mahuman.
Gipaspasan na usab karon sa Department of Public Works and Highways (DPWH) ang pag-ayo sa mga nangagubang dalan ug mga tulay.
Matud pa sa Presidente, nga giseguro sa DPWH nga maayo na nila ang mga nagubang upat ka taytayan sa Nobyembre 20 o mas sayo pa.
Gawas sa munisipyo sa lungsod sa Sagbayan, gibisita usab sa Presidente ang simbahan sa San Agustin ug ang merkado.
Sa wala pa siya moduaw sa Sagbayan, gisil-ing usab niya ang munisipyo sa lungsod sa Tubigon, ang simbahan sa San Isidro, ang merkado ug pantalan sa maong lungsod ug nakita niya ang mga kadaot nga gibilin sa linog sa maong lungsod. (/WC) (BANAT NEWS)
- Latest
