Rama ikiha gumikan sa pamolitika
CEBU, Philippines - Si Mayor Michael Rama pasakaan og kaso’ng administratiba didto sa Department of Interior and Local Government (DILG)-Manila ugmang adlawa tungod sa matud pa pagtugot nga mabutang ang iyang ngalan sa mga basketball board nga gitaud sa lain-laing barangay.
Si Atty. Reymelio “Dodong†Delute, usa ka lumulopyo sa Barangay Basak-San Nicolas, maoy miandam na og mga dukomento nga mosuporta sa iyang ipasaka nga kaso didto sa opisina ni DILG Secretary Mar Roxas.
Matud ni Delute nga dunay Memorandum Circular ang DILG nga giisyu kaniadto ni kanhi DILG Secretary Jesse Robredo nga magdili sa mga politiko nga mobandilyo sa ilang mga ngalan sa gimugna nila nga proyekto.
Ang reklamo ni Delute nga ipasaka niya ugma didto sa DILG-Manila gisukipan niya og mga hulagway sa mga basketball boards nga adunay ngalan sa mayor ug ang pulong “Together we can make a difference.â€
Laing mga basketball board adunay ngalan sa mayor ug ang pulong “Together we can make things happen.†Apan si Mayor Rama nga gikuhaan og reaksyon sa mga reporters igo lang mikatawa.
Matud pa ni Rama nga naglibog siya ni Delute nganong siya maoy kanunay giatake sa abogado nga dili man siya maoy kontra niini sa pagka kapitan sa barangay.
Si Delute milansar pagka kapitan kontra sa ig-agaw sa mayor nga si Basak-San Nicolas Barangay Captain George Rama. (BANAT NEWS)
- Latest
