Job fair ipahigayon sa Cebu City Sports Center

CEBU, Philippines - Ipahigayon sa kagamhanan  sa dakbayan  sa Sugbo  ang  ika-65 nga  Cebu City Mega Local Job Fair didto  sa Cebu City Sports Center  unya  sa Nobembre 9, 2013.

Si OIC Chief Ma. Suzanne O. Ardosa sa Department of Manpower   Development and Placement  (DMDP) miingon  nga  usa  kini  sa mga  paagi  aron  katabangan  sa kagamhanan  sa dakbayan a ng  kaliboan  ka  mga walay  trabaho.

Matud  pa  ni  Ardosa  nga sa  mga  aplikante  og  trabaho  nga  moadto  sa sports  center,  dili  angay  kalimtan pagdala  og resume, biodata, curriculum vitae with picture.

Transcript of records (para sa kolehiyo) high school  diploma (alang sa high school) ug employment  certification (optional). Miingon  si Ardosa  nga  nagkalainlaing  mga  kompaniya  ug  establisemento  nga nagbase  sa dakbayan  sa Sugbo  ug  sa gawas  ang  mo-screen  ug  mo-interview  sa  mga  aplikante  og  trabaho.

Giawhag  usab  niya nga  magsul-ob ang  tanan  og  senina  nga  desente,  ingon  man  ang  pamarug desente  usab. (BANAT NEWS)