‘Nagmaoy’ gipugakhang

CEBU, Philippines - Usa ka uyoan ang giingong gipatay sa iyang pag-umangkon human ang biktima giingong nagmaoy tungod sa kahubog ug gihasi ang iyang amahan sa sitio Bayong sa barangay Cadulawan sa lungsod sa Minglanilla sa alas 7:50 sa miaging gabii.

Ang biktima naila nga si Cerilo Latorza, 43-anyos, construction worker molupyo sa barangay Cadulawan sa lungsod sa Minglanilla. Samtang ang suspetsado giila nga si Gimmar Romero Latorza, 24 anyos, silingan ra usab sa biktima.

Si PO2 Vincent Aliñabo, desk officer, nga nahinabi sa Banat News miingon nga gisulong sa biktima ang amahan sa suspek si Marino Latorza, 60, ug nagkomprontasi ang duha.

Sumala pa ni Aliñabo gisumbag sa biktima si Marino maong gipusil kini sa suspek  ug  patay na kini pag-abot sa  Minglanilla District Hospital. (BANAT NEWS)