Konsehal sa dakbayan mo-kapitan sa brgy.
CEBU, Philippines - Ang barangay Lagtang dakbayan sa Talisay adunay duha ka grupo sa oposisyon nga miatbang sa kandidatong giduso sa administrasyon alang sa eleksiyon sa barangay karong umaabot Oktubre 28, 2013.
Si kanhi Talisay City councilor Celiapo Cabuenas mikandidato sa pagka-kapitan sa Lagtang.
Si Cabuenas kinsa kanhi kapitan sa Lagtang sulod sa walo ka tuig napiling konsehal sa siyudad niadtong tuig 2010 apan naparot sa eleksiyon sa milabay’ng Mayo niining tuiga dihang nagpapili siya sa pag-usab isip konsehal sa siyudad.
Si Cabuenas moatbang sa incumbent nga kapitan karon nga si Marc Ferdinand “Dindin†Bas.
Si Bas kanhi kagawad ni Cabuenas dihang ang naulahi mao pay kapitan sa maong barangay .
Ang laing modagan isip kapitan sa Lagtang mao si Gilbert dela Cerna kinsa gisuportahan sa administrasyon karon.
Matud ni Cabuenas nga hangtud ang Alayon Party nga gipangulohan ni kanhi Kongresista Eduardo Gullas mopaluyo kaniya wala siya’y angayang kabalak-an.
“Didto nako ni Sir Eddie two weeks ago ug nisaad na siya nako nga ang mga Gullas mopaluyo nakoâ€, ni Cabuenas pa.
Hinuon matud ni Cabuenas nga si Bas i-endorso usab kini sa kanhi kongresista isip miyembro usab sa Alayon.
Samtang sa barangay Kalunasan, dakbayan sa Sugbo giduyogan sa kapin sa 500 ka mga supporter ang opening salvo sa kampanya kagahapon ni Engr. Antonio Canoy nga magpapili sa pagka-kapitan sa barangay Kalunasan sa umaabot nga piniliay.
Si Canoy human mosang-at sa iyang certificate of candidacy niadtong Octobre 15, human sa linog masaligon sa iyang kadaugan.
Matud pa ni Canoy nga daghan siya og mga laraw alang sa mga batan-on sa barangay Kalunasan.
Sa milabay nga pista sa Kalunasan gipasiugdahan ni Canoy ang boksing nga matang sa paugnat sa kusog nga nakapalingaw kaayo sa mga molupyo sa maong barangay.
Kauban sa iyang grupo mao ang iyang mga konsehal nga sila si Tabornal, Rallos, Monares, Buquiran, Apanta, Abelgas ug Jacaban. (/WC) (BANAT NEWS)
- Latest
