CCPO, CA, mga piskal ug uban pa way allowance
CEBU, Philippines - Dili makadawat og dugang allowance gikan sa Cebu City Hall ang mga huwes, justices sa Court of Appeals, mga piskal, regional state prosecutors ug ang kapolisan kay wala aprobahi ang ilang budget sa Cebu City Council.
Sa kinatibuk-an nga P256 milyones nga Supplemental Budget nga giduso ni Mayor Michael Rama, ang P109.4 milyones lang niini ang giaprobahan sa konseho pinaagi sa rekomendasyon sa Committee on Budget and Finance.
Gipasabot ni Konsehal Margarita “Margot†Osmeña, pangulo sa mao nga komitiba, nga dili nila maaprobahan sa konseho ang kinatibuk-an nga budget nga gisugyot ni Rama kay kuwang ang iyang “sources of funds.†Miingon si Osmeña nga unahon nila ang mga “priority†nga gastohanan sa dakbayan ug dili nila mahimong unahon ang paghatag og dugang allowance sa mga kawani sa laing ahensya sa kagamhanan.
Ang konsehal mipasabot nga mahimong makapagahin sila og allowance sa mga polis, huwes, fiskal, prosecutors ug uban pa kun maghinobra na ang koleksyon sa dakbayan.
Ang administrasyon ni Rama mibana-bana nga mokolekta sila og P6.3 Bilyones karong tuiga apan ang ilang nakolekta miabot pa lang og P3.9 Bilyones hangtud sa Septiyembre nga wala gani makaabot sa P5.2 Bilyones nga budget.
Nangangkon ang mga sakop sa Local Finance Committee nga gilangkoban nila ni City Treasurer Diwa Cuevas, Budget Officer Nelfa Briones ug Planning and Development Officer Jose Marie Poblete nga nakakolekta sila og sobra sa Business Taxes.
Apan si Konsehal Osmeña ug ang ubang konsehal miingon nga bisan pa og milapas ang kantidad nga nakolekta sa “Estimated Revenue Collection†dili kini maisip nga surplus kay wala man nila makolekta ang kinatibuk-an nga kantidad sa annual budget. (BANAT NEWS)
- Latest
