2 Kandidato pagka-kagawad ma-disqualify

CEBU, Philippines - Duha ka mga mikandidato pagka-kagawad sa barangay sa umaabot nga eleksiyon sa barangay karong Oktubre 28, 2013 ang ma-disqualify  tungod kay deactivated na sila sa rekord isip mga botante.

Matud ni Anna-Lou Bacho Comelec election assistant sa dakbayan sa Talisay nga ang maong mga mikandidato wala makabantay nga dili na diay sila mga botante kay tulo na ka eleksyon silang wa makabotar.

Ang maong botante kinahanglan kining magpa-activate pag-usab sa Comelec aron makabotar ug makakandidato sa eleksiyon kung buot kining mokandidato.

Kagahapon maoy kataposang adlaw sa pagduso sa Certificate of Candidacy sa mga mokandidato, matud ni Bacho nga gikan sa alas 8:00 sa buntag hangtud sa ala 1:00 sa hapon kagahapon 85 na ka mga mikandidato ang miduso sa ilang COC.

Base sa talaan sa Comelec sa siyudad sukad niadtong Oktubre 11 hangtud sa petsa 15 miabot og 462 ang misumitir sa ilang COCs  sa pagkakagawad sa barangay ug 61 ang mikandidato sa pagkakapitan.  (BANAT NEWS)