CEBU, Philippines - Walay hearings ug uban pang transaksyon sa korte karong adlawa human kini gipasirado una tungod sa mga damages nga nakita human sa 7.2 magnitude nga linog nga miigo sa dakbayan sa Sugbo niadtong Martes.
Ang direktiba naggikan kang 1st executive Judge Ester Veloso sumala pa ni Judge Mienrado Paredes sa Regional Trial Court Branch 13 ug kanhi executive judge.
Matud ni Paredes kuyaw ang sitwasyon sa korte human sa linog ilabi na ang mga sala sa Municipal Trial Court in Cities (MTCC) branches tungod sa pagpangliki sa mga bungbong ug dunay mga debris nga nagpasad.
Wala pay opisyal nga pronouncement kung kanus-a balik ang operasyon sa mga korte sa lalawigan.
Bugtong ang mga court employees ra usab maoy gitugutang makasulod sa edipisyo apan sagad kanila pulos nagdali sa pagpanggawas kaganihang buntag.
Gipahibalo na nila ang damage report ngadto sa Korte Suprema alang sa paggahin og pundo sa pagpa-repair niini. (BANAT NEWS)