Simbahang naguba 12 Katoliko 1 INC

CEBU, Philippines - Mikabat  sa 12 ka mga simbahan sa Katoliko ug usa sa Iglesi ni Cristo (INC) ang  nakabaton og  kadaot  sa linog  nga 7.2 nga miigo  sa Central  Visayas  sa miaging  Martes  sa buntag. Ang  sa Bohol may 11 ka  simbahan  sa Katoliko  ang  nakabaton  og  kadaot  diin usa  ang  hingpit  nga  nagupok  nga  mao  ang nahimutang  sa barangay Loboc.

Ang 10  nga igo lang  nangalus-ag  ang  ubang  bahin  mao  ang  nahimutang  sa mga  barangay  Loay, Dimiao, Calape. Cortes, Baclayon, Trinidad, Inabanga 6 ka kapilya, Lila. Sikatuna, dakbayan  sa Tagbilaran ug dakbayan  sa Sugbo  nga  mao  ang Sto. Niño sa dalan Magallanes ug ang sa INC mao  ang kapilya  niini  sa General Maxilom Ave.

Samtang  ang mga municipal hall nga  nangagusbat  sa Bohol mao ang  sa  mga  lungsod sa Batuan, Sagbayan, San Isidro, Dauis, Tubigon  ug  ang sa dakbayan  sa Tagbilaran. Ang  mga eskuylahang  nangagusbat sa Bohol   mao  ang sa mga  lungsod  sa Lila, Baclayon, Maribojoc, ug Corella.

Ang Cong. Natalio Castillo Memorial Hopsital sa lungsod sa Loon, Bohol  naguba  usab.     Ang  mga  taytayan  nga  nadaot sa maong  lalawigan  mao  ang  nahimutang  sa mga  lungsod sa Dimiao, Loay, Calape ,Cortes, Getafe, Loon, Buenavista, Dauis, San Isidro ug Alburquerque. Ang  mga  karsada  sa maong  lalawigan  nga dili  kaagian  mao  ang  mga nahimutang  sa Cortes  paingon  sa Maribojoc, Bilar paingon sa Loboc, Loon, Albur paingon sa Loay. Getafe- Balilihan  paingon  sa Antequera. San Isidro, Caboy, Clarin, Lapaz ug Carmen.

Samtang  ang  mga  dapit  nga nasugamak sa landslide mao  ang nahimutang  sa barangay Candasag sa Loboc, Gunido sa Dimiao; Cabacnitan ug Bonifacio sa Bilar; Liloan National Highway  sa Cortes; Buangan, Caboy, Tontonan, ug Danahaw sa Clarin; Banban ug Poblacion  sa Lila; Cancatac sa Corella; Dorol sa Balilihan ug Sudlon ug del Monte  sa Alicia. (BANAT NEWS)