May mga barangay sa Bogo, Carcar ug San Fernando nga bantayan
CEBU, Philippines - Gitutukan karon sa kapolisan ang pipila ka mga barangay sa dakbayan sa Bogo ug Carcar lakip na sa lungsod sa San Fernando nga mga areas of concern sa nagsingabot nga barangay elections tungod sa mga nangaging panghitabo kaniadto.
Nagdumili una sa pagbutyag ang kapolisan kung pila ug unsa kini nga mga barangay kay wala pa kini ma-validate.
Apan si Cebu Provincial Police Office (CPPO) Director, Sr. Supt. Noel Gillamac miingon nga ang maong mga lugar adunay “intense political rivalries†ug dunay mga kagubot nga nahitabo sa nanglabay’ng eleksyon.
“Working progress pa ang mga areas of concern ang mga na-mention initial lang that’s why I cannot give yet what barangays,†matud ni Gillamac.
Ang probinsiya sa Sugbu adunay unom ka mga component cities ug 44 ka mga lungsod.
Ang Provincial Intelligence Branch ug ang nagkadaiyang hepe sa kapulisan sa mga police station mokuha sa listahan sa mga buot magpapili karong eleksyon aron sa paghimo og profiling.
“Through intelligence information from the police station and the PIB serves as one way of determining the areas of concern then we can come up with the final list,†matud niya. Gitan-aw usab karon sa kapulisan ang kalit ug taas nga pagsaka sa gidaghanon sa mga botante nga posibleng resulta sa pagpanghakot og mga tawo gikan sa laing dapit.
“Ma-determine ni siya by comparing the number of voters from the last national election and may be dunay mga politicians nga manghakot og mga voters as far as Cebu City or another province,†matud pang Gillamac. (Ria Mae Booc/EIM)
Mga police chiefs sa Central Visayas wa katuman sa panaad vs. gambling
Hapit tanang hepe sa kapolisan sa rehiyon ipailawom sa pre-charge evaluation kay wala makatuman sa target nga ilang gisaad matud sa Regional Director sa Police Regional Office 7 nga si Chief Supt. Danilo Constantino.
Matud ni Constantino nabalaka siya nga wala na unya’y mahibilin sa iyang mga hepe tungod sa kapakyas niini sa pagpakgang sa illegal nga sugal.
“Almost all chiefs of police are under pre-charge evaluation, at sabi ko baka wala na akong matira sa aking mga hepe,†asoy ni Constantino.
Matud pa niya napakyas ang mga hepe sa pag-igo sa target nga sila mismo ang mitakda nga ilang buhaton. Apan giklaro ni Constantino nga wala niya pugsa ang maong mga hepe apan iya lang gipangayoan og targets.
“Because they have sets the targets, so we expect them to accomplice that targets, we did not dictate them the targets, it’s their office which provided that targets,†matud pa ni Constantino.
Matod sa Regional Director nga gusto niyang mahibaw-an kun duna bay mga hepe sa polis nga nalambigit sa mga illegal nga kalihokan aron mapasakaan og kasong criminal ug administratiba.
Nanawagan sab si Constantino sa mga tawo nga kun may nailhan sila nga mga polis nga nalambigit sa illegal nga mga kalihokan nga moadto sa iyang opisina.
“If they can help us prosecuting this people I’m requesting them to visit me and call me if they can provide information the alleged illegal activities of our people,†matud ni Constantino.
“I’m not saying that they’re involved, I’m sure they will show proof that they’re not involved,†dugang ni Constantino. (BANAT NEWS)
- Latest
