262 gambling machines gipangguba
CEBU, Philippines - Dos-siyentos saysentay dos ka mga illegal gambling machines ang giguba sa gipahigayon nga ceremonial destruction kagahapon sa buntag sa Cebu Provincial Police Office (CPPO). Ang illegal gambling machines nakumpiska sa managlahing operations nga gipahigayun sa Regional Special Operation Group (RSOG) nga adunay 124 ka mga machines, Cebu Provincial Police Office (CPPO) nga adunay 16 ug Cebu City Police Office (CCPO) nga adunay 122.
Ang mga illegal gambling machines gilangkuban sa video karera, mole-mole ug bingo slot machines. Si Police Regional Office (PRO)-7 Director, Chief Supt. Danilo Constantino, mibutyag nga ang pagguba sa mga illegal gambling machines nagpakita nga ang kapulisan seryuso sa kampanya batok sa illegal nga sugal.
“No one is a sacred cow and the one strike policy is still standing,†pasidaan pa ni Constantino sa mga hepe sa mga police stations.
Matud niya nga sa pagkakaron apektado gihapon ang tibuok rehiyon 7 sa illegal nga sugal ug kinahanglang hingusgan pa sa kapulisan ang kampanya batok niini.
“All provinces are affected but not that rampant and this means that we still have to intensify the campaign against illegal gambling,â€matud pang Constantino. (BANAT NEWS)
- Latest
