Gillamac wa matagbaw sa performance sa mga hepe
CEBU, Philippines - Wala matagbaw ang hepe sa Cebu Provincial Police Office nga si Sr. Supt. Noel Gillamac sa gipakitang performance sa mga hepe sa kapolisan sa lalawigan sa Sugbo.
Matud ni Gillamac nga kinahanglan nga tagaan og pagtagad sa mga hepe sa kapolisan ang pagsulbad sa kriminalidad.
“Honestly I’m not satisfied sa ilang (mga hepe) performance i-prioritize ang dapat i-prioritize, I hope this will serve as a warning for them,†matud pa ni Gillamac.
Mibutyag si Gillamac nga hingusgan ang pagpahigayon og checkpoint sa kapolisan sa lalawigan sa Sugbo dili lang tungod sa nagsingabot nga piniliay kundili agi og tubag nila sa nikatap nga mga insidente sa carnappings.
Gimandoan niya ang mga hepe nga parahon gyud sa checkpoints ang mga nagmotor ug pangitaan og lisensya ang drayber ug ang rehistro sa motorsiklo.
Si Gillamac miingon nga dunay walo ka mga dili rehistrado nga mga motor nga na-intercept sa kapolisan sa Daanbantayan sa miaging semana ug nasuta nga usa niini gikan sa Cagayan de Oro.
Kinahanglang modangop sa Land Transportation Office ang mga polis alang sa pag-ila kinsay tag-iya sa mga motor ug kun masuta nga dili ilaha ang dili rehistradong motor awtomatiko silang pakasohan og karnaping ni Gillamac. (/EIM) (BANAT NEWS)
- Latest
