Nalambigit sa pork barrel scam giawhag pag-resign
CEBU, Philippines - Daghan ang mitambong sa rally batok sa pork barrel nga gilusad sa Cebu Coalition Against the Pork Barrel System kagahapon. Mga kongresistang nalambigit giawhag nga mo-resign.
Matud pa ni Sr. Insp. Pablito Sarno, ang Security Supervisor sa Plaza Independencia nga mikabat og 4-5 mil ka mga tawo ang mitambong sa maong kalihokan.
Nagsugod ang maong rally sa Fuente Osmeña Circle sa ala 1:00 sa hapon ug nagmartsa ang mga rallyista padulong sa Plaza Independencia.
Naabot ang mga raliyista sa plaza sa alas 2:30 sa hapon nga gisundan sa usa ka Santos nga Misa nga gipangulohan ni Msgr. Cayetano Gilbolingo.
Si Fr. Carmelo Diola sa iyang wali miingon nga duna pay paglaom ug ang pagtambong sa mga tawo kagahapon nagpasabot nga wala pa maluya ang mga tawo sa nasod ug sa mga opisyal sa nasod.
“Yet there is hope…Our coming here today means that we have not given up on our country and our leaders even if we want the law to take its course on the guilty,†matod ni Fr. Diola.
Apan si Msgr. Romel Kintanar sa Archdiocesan Discernment Group sa Artsidiyosesis sa Sugbo nanawagan nga mokanaog sa katungdanan ang mga nalambigit sa eskandalo sa pork barrel.
“Sa atong unity statement mao gyud na atong number one nga panawagan nga out of delicadeza ug sa ilang konsensya nga mang-resign unta sila,†matud ni Msgr. Kintanar.
Si Choky Repollo, ang Presidente sa Metro Cebu South District Youth Coordinating Council miingon nga angayan gyud wagtangon ang pork barrel.
Si Atty. Aristotle Batohan nga miapil sa maong rally miingon nga sukad pa sa una nanawagan na siya sa pagwagtang sa pork barrel sa iyang paglansar sa miaging piniliay apan giklaro niya nga dili na siya molansar sa sunod nga eleksyon.
“Ako man gani after I heard the defense of Jinggoy Estrada last week nakaingon ko nga why don’t we just call for the abolition of Congress, it seems nga tanan ang involved.
Ang maong rally gitambongan sa 54 ka mga pundok nga naglangkob sa Cebu Coalition Against the Pork Barrel System ug sa mga pribadong tulonghaan sa dakbayan ug lalawigan sa Sugbo mga relihiyoso, pribado ug progresibong mga kapunongan. (BANAT NEWS)
- Latest
