Lastimosa ug Seares pa-eksplikahon sa korte
CEBU, Philippines - Gipatawag ni RTC Judge Rafael Yrasturza sila si Sunstar columnist Pacheco Seares ug Freeman columnist Leo Lastimosa alang sa usa ka hearing ugma sa buntag.
Si Judge Yrasturza gustong mamati sa rason nila ni Lastimosa ug Seares nganong dili sila angyan nga i- cite for contempt tungod sa ilang pag komentaryo sa iyang desisyon sa kasong libel batok kang Lastimosa sa ilang tagsa-tagsa ka mga column.
Si Yrastorza mikonbikto kang Lastimosa sa kasong libel nga gipasaka ni kanhi gobernador ug karon 3rd District Cong. Gwendolyn Garcia batok kang Lastimosa.
Hinuon si Lastimosa miapelar sa maong conviction.
Apan sila si Lastimosa ug Seares gikataho nga mikomentaryo sa merito sa kaso.
Ang kaso nagsugod tungod sa pagpublikar ni Lastimosa sa column nga nagbulgar sa anomaliya ni Doling Kawatan.
Kagahapon gipaabot ang pagbalik sa summon nga gipadala ni Yrastorza ngadto sa duha ka respondent. (BANAT NEWS)
- Latest
