Libreng panambal sa hayop himoon sa DVMF ugma

CEBU, Philippines - Ang Department of Agriculture Regional Field Office 7 (DA RFO-7)  ug  ang Department of Veterinary Medicine & Fisheries (DVMF) sa syudad sa Sugbo mopahigayon og libre nga Veterinary Medical Mission karong umaabot Biyernes Septiyembre 27, ning tuiga didto sa Multipurpose Hall, M. Velez St. dakbayan sa Sugbo.

Sumala pa ni Dr. Alice Utlang, kinsa usa ka beterinaryo ug project leader   sa DVMF nga nagbase  karon sa Viral Laboratory sa DA RFO-7 nga nahinabi sa Banat News .

Gisaysay ni Utlang nga adunay gibana-banang napulo ka mga beterinaryo nga gikan sa DA RFO-7 ug DVMF nga maoy mangunay sa paghatag sa libreng medikal nga serbisyo nga gilangkuban sa pagpamakuna sa mga iro ug iring, deworming, pagpainom og vitamins ug usab pagpanghatag og dog food  busa  iyang gidapit ang mga adunay iro ug iring nga mopahimus    niini.

Si Utlang nagkanayon nga magsugod sila  pagpangrehistro  sa  mga iro  ug  iring sa alas 9:00 sa buntag hangtod alas 4:00 sa hapon   ug  iyang  gipanghinaot  nga mosayo  didto sa venue ang  mga  hingtungdan.  (BANAT NEWS)